Ақпаннан бастап автогаз қымбаттайды

Фото: kaztag.kz Сұйытылған газдың шекті көтерме бағасы тоннасына 45 158 теңгеден 51 932 теңгеге дейін көтеріледі, деп хабарлайды Тodayinfo ақпараттық порталы. Энергетика министрлігі 1 ақпаннан бастап сұйытылған мұнай газының (автокөліктерге отын ретінде пайдаланылатын) бағасын көтеруді жоспарлап отыр. Энергетика министрі бұйрығының жобасына сәйкес сұйытылған газдың шекті көтерме бағасы тоннасына 45 158 теңгеден 51 932 теңгеге дейін көтеріледі. Мұндай шешім өндірушілердің шығынын өтеу мақсатында қабылданған, өйткені өнімнің өзіндік құны тоннасына 65 мыңнан 75 мың теңгеге дейін барады. Министрлік өндіруші кәсіпорындар жаңғырту және жоспарлы жөндеу жұмыстарына қаражат таппай отырғанын мәлімдеді. Сұйытылған газды тұтыну көлемі 2022 жылғы 1,8 миллион тоннадан 2024 жылғы болжамды 2,4 миллион тоннаға дейін артқан. Осыған байланысты бөлшек саудадағы шекті баға өңірге байланысты 6 теңгеден 21 теңгеге дейін өседі. Астана мен Алматыда баға литріне сәйкесінше 84 және 89 теңгеден 102 теңгеге дейін өседі. Шымкентте 70 теңгеден 90 теңгеге дейін қымбаттайды.