Пәкістан астанасы Исламабадта өткен АҚШ пен Иран арасындағы 21 сағатқа созылған келіссөздер еш нәтижесіз аяқталды. АҚШ вице-президенті Джей Ди Вэнс бейбіт келісімге қол қоймастан елден ұшып кетті, деп хабарлайды Todayinfo ақпарат агенттігі.
Джей Ди Вэнстің айтуынша, келіссөздердің тоқтап қалуына Тегеранның ядролық қару жасау бағдарламасынан бас тарту туралы міндеттеме алудан үзілді-кесілді бас тартуы себеп болған. Бұл тармақты АҚШ президенті Дональд Трамптың әкімшілігі кез келген ықтимал келісім үшін басты шарт ретінде қойған еді.
Ирандық БАҚ өкілдері де диалогтың үзілгенін растады. Иранның "Tasnim" агенттігі ресми Вашингтонға айып тақты.
"Вашингтон келісім негізін бұзатын шамадан тыс талаптар қойды", - деп жазды агенттік.
Ал Press TV телеарнасының хабарлауынша, келіссөздердің сәтсіздікке ұшырауына Үрміз бұғазындағы кеме қатынасының еркін мәртебесі мен Иранның жеке ядролық бағдарламасын дамыту құқығына қатысты келіспеушіліктер себеп болған.
Енді Вэнстің АҚШ-қа еш нәтижесіз оралуына байланысты екі ел арасындағы бітімгершілік үдерісінің болашағы белгісіз болып тұр.
Фото: Әлеуметтік желіден
