«Екі елдің достығын насихаттау»: Қытай қазақ журналистері үшін үздік бейнероликке байқау жариялады

Хоргос шекаралық ынтымақтастық аймағында алғаш рет «Көршіңмен бірге — Хоргос кубогы» атты қысқаметражды видеороликтердің халықаралық байқауы жарияланды. Іс-шара Қытай мен Қазақстан арасындағы ақпараттық ынтымақтастық аясында ұйымдастырылып отыр, деп хабарлайды Todayinfo ақпараттық агенттігі. Байқау Қытай мен Қазақстан халқы арасындағы достықты, мәдени өзара түсіністік пен ынтымақтастықты бейнелейтін видеожобаларды қолдауды мақсат етеді. Оған журналистер, кино өндірушілер, медиа мамандар мен жеке авторлар қатыса алады. Талап бойынша екі ел арасындағы шынайы оқиғаларды, тарихи байланысты және қазіргі заманғы серіктестікті көрсету керек. Марапаттар: • Алтын кубок — 1 жеңімпаз (50 000 юань ≈ 350 000 теңге), • Күміс кубок — 2 жеңімпаз (әрқайсысы 20 000 юань ≈ 140 000 теңге), • Қола кубок — 3 жеңімпаз (әрқайсысы 10 000 юань ≈ 70 000 теңге), • Ынталандыру сыйлығы — 6 жеңімпаз (әрқайсысы 5 000 юань ≈ 35 000 теңге). Жеңімпаздардың жұмыстары Қытай мен Қазақстанның жетекші медиаресурстары мен әлеуметтік желілерінде кеңінен таратылады. Жоба қос елдің ақпарат құралдары арасындағы қарым-қатынасты нығайта түспек. Өтінім қабылдау мерзімі бүгіннен бастап 31 қазанға дейін жалғасады. Қарашада жұмыстар сарапталып, желтоқсанда марапаттау рәсімі өтеді.