Боксшылар Санжар Тәшкенбай мен Бекзат Нұрдәулетов Әлем кубогінің жеңімпазы атанды, деп хабарлайды Todayinfo.
50 келідегі Санжар Тәшкенбай финалдық айқаста Филиппин спортшысы Джей Бриан Барикуатромен жолықты. Отандасымыз шабуыл мен қорғаныс та үстемдік танытып, 5:0 есебімен сенімді жеңіске жетті.
Әлем кубогінің ақтық сынында 85 келі салмақта Бекзат Нұрдәулетов үндістандық Жугно Жугномен жұдырықтасты. Жерлесіміз алғашқы раундтан-ақ қарсыласын нокдаунға түсіріп, соққы жасауға мүмкіндік бермеді. Нәтижесінде Бекзат Нұрдәулетов 5:0 есебімен Әлем кубогінің алтын жүлдесін жеңіп алды.
