Астанада Hyundai Elantra сатылымына қатысты дау туындады: сатып алушы өзін алаяқтық схеманың құрбаны санайды, ал ірі автосалондар желісі мұнымен келіспейді, деп хабарлайды Todayinfo ақпарат агенттігі TengriAuto-ға сілтеме жасап.
Қыздың айтуынша не болды?
Бейбітгүл Байғожина астанадағы жекеменшік автосалоннан Hyundai Elantra көлігін несиеге алған. Ол көлікті әкесінің қосымша табыс табуына пайдаланбақ болған. Банк мәмілені мақұлдап, салон қосымша жабдық орнатып, кепілдікке қоямыз деп уәде берген.
Алайда, 10 наурызда оған Қарағанды полициясынан шақырту келді. 12 наурызда тергеушілер бұрынғы көлік иесімен бірге келіп, бұл көлік ұрланғандар қатарында екенін айтқан және оны айғақ ретінде алып кеткен. 14 наурызда Бейбітгүл мен әкесі жауап берген.
View this post on Instagram
Бейбітгүл нұсқасы бойынша схема қалай жұмыс істеген?
-
Перекупщик Абай бұрынғы иесі мен оның күйеуіне көліктерін сатуға көмектескен.
-
Құжатта сатып алушы ретінде Абайдың танысы Қылышбек көрсетілген.
-
Абай көлік ақшасын 2–3 күнде аударамын деген, бірақ уәдесінде тұрмаған.
-
Бұрынғы иесінің айтуынша, Абайдың қарыздары болған, ол қарызын өзгенің көліктерімен «өтеген».
-
Осылайша Elantra автосалонда сатылымға шығып, Бейбітгүл ештеңеден бейхабар сатып алған.
-
Бұрынғы иесі көлікті ұрланды деп, сатып алынғаннан бірнеше күннен кейін ғана арыз жазған.
Содан кейін полиция көлікті айыппұл тұрағына қойған. Қазір көлік Астанада тұр, ал сатып алушы несие төлеуді жалғастыруда.
View this post on Instagram
Avtomarket автосалондар желісінің ұстанымы
Желі негізін қалаушының айтуынша, автосалон алаяқтық схемаға қатысы жоқ. Ол Бейбітгүлдің көлікті сатушыны «сырттан» тауып, салонға тек несие рәсімдеуге келгенін айтады.
«Біздің криминалистер көлікті тексерді, ешқандай шектеу болған жоқ, банк мәмілені бекітті. Кейін белгілі болғандай, сатушы көлікті заңсыз жолмен иеленіп, бұрынғы иесін алдаған. Бұл үшін салон кінәлі емес», — делінген ресми мәлімдемеде.
Компания өкілі, егер кінә дәлелденсе, жауап беруге дайынбыз деді. Ал Бейбітгүл болса, көлікті дәл осы салон арқылы сатып алғанын айтады.
Сот ісі және шағымдар
26 наурызда Бейбітгүлдің адвокаты автосалон мен Қылышбекке қарсы сотқа арыз берген. Оның айтуынша, екі татуластыру отырысы өткен, бірақ тараптар келісімге келмеген. Кейінгі тыңдауларда қарсы тарап істі Абайға қатысты қылмыстық тергеу біткенше тоқтатуды сұраған.
Хронология бойынша:
-
17 шілдеде Қылышбектің қорғаушылары судьяға қарсылық білдірген, 23 шілдеде ол қабылданбаған.
-
6 тамызда Қылышбектің адвокатымен байланыс болмағандықтан тыңдау кейінге қалдырылған.
-
8 тамызда автосалон адвокаты судьяға қарсылық білдірген, бірақ 15 тамызда ол да қабылданбаған.
Бейбітгүлдің болжамынша, қарсы тараптар келісіп әрекет етуде, бірақ бұған дәлел жоқ.
View this post on Instagram
Қосымша шағым
Бейбітгүлдің айтуынша, шамамен бір ай бұрын ол Қазақстаннан тыс жерде жүргенде көлікті өз келісімінсіз Қарағандыдан Астанаға айдап әкелген. Бұрынғы иесі тергеушімен бірге көлікті айдап кеткен. Бейбітгүл қоңырау шалғанда тергеуші сөйлесуден бас тартқан. StarLine жүйесі бойынша көліктің жүгірісі шамамен 300 км-ге артқан. Ол тергеушінің іс-әрекетіне қызметтік тексеріс жүргізуді сұрайды.
Бұдан кейін не болады?
Қазанда Бейбітгүлдің несиесін төлеу қайта басталады (бұрын 6 айға шегерілген). Бірақ көлік әлі айыппұл тұрағында. Avtomarket заң аясында әрекет еттік және үшінші тараптың ісіне жауап бермейміз деп отыр.
Редакция Қарағанды облысы мен Астана құқық қорғау органдарынан жауап күтуде және заңгерлерден пікір сұрады. Жауап алынған соң жарияланады.
