Шымкент қаласының әкімі Ғабит Сыздықбеков тұрғындармен кездесу барысында «Ордабасы» клубының капитаны Асхат Тағыбергеннің жалақысы туралы мәлімдеді, деп хабарлайды Todayinfo.
Әкімнің айтуынша, команда қаржылық қиындықтарға тап болған, ал футболшылардың орташа жалақысы 15 миллион теңгені құрайды.
«Бізге «батпаққа» батқан команданы қалдырды. Асхат Тағыберген енді ойнай алмайды, бірақ кеткісі де келмейді, жай ғана отыр. Ашық айтамын, оның жалақысы – 20 миллион теңге. Бұл жағдайға қатысты мен ештеңе істей алмаймын», – деді Ғабит Сыздықбеков.
Қазақстан құрамасының және «Ордабасы» клубының капитаны Асхат Тағыберген елдегі ең қымбат ойыншылардың бірі саналады. Бірақ соңғы уақытта оның ойын деңгейінің төмендегені сынға алынып жүр.
