Фото vkpress.ru
Украинаның «Тірі болғым келеді» жобасы Twitter-дегі @hochuzhit_com парақшасында Ресей Федерациясы құрамындағы басқыншылар қатарында Украинаға қарсы соғысқа қатысып жатқан Қазақстан азаматтарының тізімін жариялады, деп хабарлайды Todayinfo ақпарат агенттігі
Бұл туралы әлеуметтік желі қолданушысы Лұқпан Ахмедияров бөліскен.
Төменде «Тірі болғым келеді» жобасының жазбасынан алынған мәтін берілген:
«Ресей армиясы қатарында қызмет етіп жүрген шетелдік жалдамалылар туралы жарияланымдар сериясын бастаймыз. Бірінші болып қарастыратын ел – Ұжымдық қауіпсіздік шарты ұйымына (ҰҚШҰ) мүше Қазақстан Республикасы Ресей билігі Украинаға қарсы соғысқа жалдамалыларды тартуды 2023 жылдың бірінші тоқсанынан бастап белсенді түрде жүргізіп келеді. Бұл – Ресей армиясы басқыншылықтың алғашқы жылында шеккен орасан зор шығындарын, мобилизация арқылы да өтей алмағанының салдары»,- делінген хабарламада.
Алғаш болып ресейлік вербовщиктер белсенді түрде ТМД елдерінің азаматтарын – Өзбекстан, Қазақстан, Тәжікстан, Қырғызстан азаматтарын тартуға кірісті. Орталық Азия елдерінің азаматтарын РФ армиясына тарту үш түрлі жолмен жүзеге асады: алдау, жоғары төлемдерге уәде беру және қорқыту арқылы.
Біреулерге кәсіпорын күзетінде жұмыс ұсынып, алдаса, басқаларға ай сайынғы жоғары жалақы мен Ресей азаматтығын уәде етеді, ал үшіншілерін түрмемен немесе елден шығарып жіберумен қорқытады. Бірақ ақыры бәріне бірдей – соғыс майданы.
«Біздің адамдардан» – РФ армиясы қолбасшылығындағы байланыстарымыздан, Украинаға қарсы соғысып жатқан немесе соғысқан Қазақстан азаматтарының тізімін алдық. Бүгін біз бұл тізімді еш өзгеріссіз жариялаймыз. Біздегі мәліметке сәйкес, 2024 жылдың соңына қарай бұл тізімдегі 661 жалдамалының кемінде 78-і қаза тапқан.
«Бұл – тек бізде өлімі мен жерленген орны туралы нақты дерек бар адамдар. РФ Қарулы күштерінің шығынын есептеп жүрген еріктілер 2024 жылдың қазанында Украинада 3000-нан астам этникалық қазақтың қаза тапқаны жөнінде жазған.Біздің статистикаға сүйенсек, жалдамалының келісімшартқа қол қойған сәттен бастап өліміне дейінгі орташа мерзімі – 130 күн. Ең қысқа мерзім – 9 күн. Ресейліктер өз сарбаздарын қадірлемесе, бейбіт өмірде үнемі қорлап жүрген «орыс еместерді» қалай қадірлейді дейсіз?Сондықтан алдана отырып, мол төлем немесе Ресей паспорты үшін жарты әлемді кесіп өтіп, бір ғана орман алқабына қайта-қайта шабуылға жіберетін ресейлік қолбасшының қолына түсу – жұмсартып айтқанда, ақымақтық», — дейді олар.
Айта кету керек, жалдамалылық – Қазақстан Республикасында қылмыстық жауапкершілік қарастырылған әрекет. Ресей армиясы қатарында аман қалғандар еліне оралған соң, 12 жылдан 17 жылға дейін бас бостандығынан айырылуы және мүлкі тәркіленуі мүмкін.
Абырой болғанда, Қазақстанда өз заңдарына сай әрекет етіп, Украинаға жасалған басқыншылыққа қатысқан жалдамалыларды ұдайы ұстап, түрмеге қамауда.
Сеніңіздер, соғыс аяқталған соң да, Украина өз жеріне келіп, украиндарды өлтіріп, үйлерін қиратқан үшінші ел азаматтарын қылмыстық жауапкершілікке тарту үшін бар күшін салады, – делінген жазбада.
