[Соққы жасалған кезінде типография цехында 65 адам болған.
– Ол жерде желім, қағаз, бояу болған. Барлығы бірден өртке оранды. Өрт сөндірушілер арнайы жабдықта жұмыс істейді, сөндіруге түтін кедергі келтірді. Адамдардың денесі біртіндеп шығарылып жатыр, — деп хабарлайды басылым тілшісі.
Харьков облыстық әкімшілігінің басшысы Олег Синегубов оқиға орнында түсірілген фотосуреттерді жариялады. Олар Vivat баспасына жататын «Фактор-друк» баспаханасы қирағанын көрсеткен.
Кейінірек Синегубов қайтыс болғандардың барлығы қарапайым адамдар болғанын және зардап шеккен кәсіпорында жұмыс істегенін, олардың арасында бес әйел мен бір ер адам болғанын, ал басқа құрбандар жайлы мәліметтер енді анықталып жатқанын жазды. Әкімшілік басшысының айтуынша, баспаханада «жаудың шабуылдары кезінде 50-ге жуық адам жұмыс істеген».
Vivat баспасы «бұл Еуропадағы ең үлкен толық циклді типографиялық кешендердің бірі, сондықтан онда тек Vivat баспасының ғана емес, сонымен қатар барлық украиналық баспалардың кітаптары басылады» деп жазады ол.
Харьковқа жасалған соққы жайлы Владимир Зеленский жазба жариялады.
– Ресей Харьков пен Люботинге қарсы өте қатігез түрде шабуыл жасады. Алдын-ала мәліметтер бойынша, бірден 15 зымыран атылған. Өкінішке қарай, қаза тапқандар мен зардап шеккендер бар. Шұғыл қызметтер қазірдің өзінде соққы беру орындарында және әрбір зардап шеккен адамдарға қажетті көмек көрсетеді, — деп жазды Украина президенті.
Харьковта Украинаның көптеген ірі баспалары орналасқан, бұл қалада украин баспа өнімдерінің едәуір бөлігі өндіріледі.
