«Алты гүл сыйладың»: Астанада сауда орталығында әйел шу шығарды (ВИДЕО)

сурет: видеодан кадр Астанадағы сауда орталықтарының бірінде орын алған оқиға желіде талқыланып жатыр. Әйел сыйға тартылған гүл шоғынан кейін айқай-шу шығарған. Оқиға орнында түсірілген бейнежазба әлеуметтік желіде таралып, қызу талқыға түсті, деп хабарлайды Todayinfo порталы Azattyq Rýhy сайтына сілтеме жасап. Бейнежазбада сауда орталығының ішінде әйелдің қатты дауыстап, ашулы күйде тұрғаны байқалады. Видео сипаттамасына сәйкес, оған алты тюльпан сыйлаған, ал халық арасында жұп санды гүл беру қаралы күндерге тән деген сенім бар. Әйелдің ашулануына осы ырым себеп болған. Бұл оқиға желі қолданушылары арасында екі түрлі пікір тудырды. Бірі әйелдің әрекетін қолдаса, енді бірі оны орынсыз деп бағалады.

«Көктем келді, адамдардың жүйкесі сыр бере бастады ма?», «Әр нәрсеге осылай реакция білдірсе, гүл санының маңызы қалмайды», «Еуропада жұп санды гүл сыйлау қалыпты жағдай. Бұл тек біздегі ойдан шығарылған ырым ғой» деп жазып жатыр желі қолданушылары.