Жаңа жылды 60 мың адам пойызда қарсы алмақ

time.kz Жаңа жылды 60 мың жолаушы пойызда қарсы алмақ. 31 желтоқсан күні Қазақстанның әр бағытындағы пойызға мінген жолаушылардың саны белгілі болды, деп хабарлайды Todayinfo. Жылан жылын темір жол бойында қарсы алатын жолаушылардың көбі елдің оңтүстік өлкесінде жүретін пойыздарға мінбек.

«Жолаушылар тасымалы» компаниясының баспасөз қызметі хабарлағандай, бүгін пойыз ең көп қатынайтын бағыт Астана–Алматы, Астана–Шымкент, Алматы–Шымкент, Астана–Семей және Алматы–Семей бағыттары болып отыр.

«Теміржол қызметкерлері тәулік бойы үздіксіз еңбек етеді. Жаңа жыл түні Қазақстан бойынша вокзалдарда 47 кассир кезекшілік етеді. Ал пойыздарда 73 пойыз бастығы мен 1774 жолаушылар вагонының жолсерігі, жалпы саны 115 пойыз бригадасы қызмет көрсетеді», - деп хабарлайды компанияның баспасөз қызметі.