«Жомарт» кенішіндегі жеті адамның өмірін алып кеткен апаттың себебі аталды

Фото: Қазақмыс "Қазақмыс" корпорациясы 17 ақпан күні кешке Ұлытау облысы Жаңаарқа ауданындағы "Жомарт" кенішінде үйіндінің құлауына не себеп болғаны турасында алдын ала нұсқаны хабарлады, деп хабарлайды Тodayinfo ақпараттық порталы. Ұлытаудағы шахтада жеті адамның денесі табылды 18 ақпанға қараған түні авариялық-құтқару қызметі кеніштің алты жұмысшысының денесін тапқан. Кейін жетінші жұмысшының да денесі анықталды. Алдын ала мәліметтер бойынша, «Қазақмыс» корпорациясының кеніштеріне тән емес табиғи газдың жарылған. Оқиғаның мән-жайы мен себептері анықталып жатыр, - деп хабарлады компания. Трагедияны тергеу үшін арнайы мемлекеттік комиссия құрылған. «Қазақмыс корпорациясы» ЖШС болған оқиғаның барлық мән-жайларын анықтауға толық көмек көрсетуетінін хабарлайды. Қазақмыс басшылығы мен ұжымы қаза тапқандардың туыстары мен жақындарына шын жүректен және терең көңіл айтады, — деп толықтырды компания. Айта кетейік, 17 ақпанда Ұлытау облысының Жаңаарқа ауданында орналасқан «Қазақмыс» корпорациясына тиесілі «Жомарт» кенішінде тау жыныстары опырылған. Оқиға салдарынан жеті жұмысшы үйінді астында қалған. Бүгін таңертеңге дейін жеті жұмысшының денесі табылды.