Фото: видеодан кадр
Актер Рамазан Амантай өзі туралы «Сушиден уланып, өмірден өтті» деген ақпаратты жоққа шығарды, деп хабарлайды Тodayinfo ақпараттық порталы.
Актер Instagram желісіндегі парақшасында өзінің аман екенін айтып, бейнежазба жариялады.
«Желіде мен жайлы жалған ақпарат тарап жатқанын естідім. Уайымдап, қолдау білдіріп жатқан жандарға шын жүректен алғыс айтамын. Алаңдамаңыздар, менде бәрі жақсы. Бұл ақпараттың шындыққа еш қатысы жоқ екенін ресми түрде мәлімдеймін. Айтпақшы, бір жылдан астам уақыттан бері суши жемегенімді ескерсем, мұндай қауесеттер тіпті күлкілі көрінеді. Сондықтан уайымдамаңыздар, өздеріңізді күтіңіздер. Аман болыңыздар, 100 жасаңыздар және абай болыңыздар, сушиден уланып қалмаңыздар», — деп жазды актер парақшасында.
Посмотреть эту публикацию в Instagram
