Блогер әзілкешпен соттаспақ. Оқиға Мадленнің әзілінен басталған.
– Ары қарай да ақша ұрлап, бәріне Дубайға кете беруге болады. Содан кейін Мадлен секілді блогерлерді Дубайға шақырып, сол жерде олармен бірге жатып, Қазақстанның солтүстігі суға қалай батып бара жатқанын көре беруге де, — деген әзілкеш әзілінде.
Бұл сөз Мадленнің намысына тиіп кетсе керек. Ол өзінің Instagram stories-іне жазып, Басқожаевты айыптап, өз құқығын заңды түрде қорғауға ниет білдірген.
– Маған белгісіз бір клоунның стендапы жекеме келді. Мен өз ісіммен айналысып жатқанда, кейбір сайқымазақ, арзан клоун менің атыма, беделіме нұқсан келтірді, — деді блогер.
Мадлен әлеуметтік желілерде әрқашан адал өмір сүретінін айтты.
– Мен арыз жазамын. Сөзбен менің намысыма тиетін сен кімсің!? Ешкім күлген жоқ! Сотта кездесеміз. Біз бүкіл ел әйелдердің құқықтары үшін күресіп жатырмыз, әйелдер қорланбасын дейміз. Біз мұны бұлай қалдырмауымыз керек. Бұл әзілкеш билеттерді 1000 теңгеге сатады, ал су тасқынына біз 200 млн теңгеден астам қаражат жинадық, — деді блогер.
Кейіннен Баскожаев жағдайды түзетуге тырысып, Мадленнен Instagram-дағы жазбасында кешірім сұрады, бірақ соған қарамастан Мамадалиева әзілкеш өз сөздері үшін жауап беруі керек деп мәлімдеді. Мадленнің Instagram-да екі миллионнан астам жазылушысы бар.
