Алматы облысында сенбілікке шыққан бала көптің ықылыасына бөленді. Ол қаланың тазалауға достарымен бірге келген, деп хабарлайды Todayinfo агенттігі.
Қазіргі таңда елімізде «Таза Қазақстан» эконауқаны өтіп жатыр. Науқан барысында Қонаевтағы 12,12А,12В, Арна шағын аудандарының халқы белсенді қатысып, көшелерді қоқыстан тазартты.
Солардың қатарында 6 жасар балақай Нұрали Сұңқарұлы да болды. Тырмамен қураған шөпті тазалаған бала жұртты сүйсінтті. Айтуынша, ол сенбілікке достарымен бірге келген. Журналистің не істеп жүрсің деген сұрағына балақай «мусор жинап жүрмін» — деп жауап берді. Ал не үшін келгенін тазалыққа деп түсіндірді.
«Жалпы бүгін акцияға 200 адам қатысып, 70 қап қоқыс шығарды. Аталған науқан 5 аптаға жалғаспақ», — деп хабарлады Алматы облысы әкімдігінің баспасөз қызметі.
Сонымен қатар өңірде «Киелі Мекен» акциясы да өтіп жатыр. Акцияға облыстағы 75 мың адам белсенді қатысты. «Таза Қазақстан» экологиялық акциясы аясында Алматы облысы бойынша барлық жерде түрлі іс-шаралар өткізіліп жатыр. Мәселен, «Киелі Мекен» акциясына бір аптаның ішінде 75 мыңнан астам адам қатысты.
«Мәдениет ұйымдары қызметкерлерінің, мәслихат депутаттарының, оқушылар мен студенттердің, спортшылардың, еріктілердің ортақ күш-жігерімен қасбеттерді, мәдени мұра объектілерін, ескерткіштер мен оларға іргелес аумақтарды ретке келтіру бойынша жұмыстар жүргізілуде. Облыс бойынша 850-ден астам ескерткіштер, мұражайлар, мәдени ескерткіштер тазаланып, 7500 тонна қоқыс жиналды», — делінген облыс әкімдігінің хабарлауында.
Облысы қоқыс қалдықтарынан тазартып, өңірдің ажарын ашуға жастар белсенді қатысып жатыр. Жалпы Алматы облысында 1200 тарихи және мәдениет ескерткіштер бар, оның 961-і археологиялық ескерткіштер саналады. Жастар, өңірдің тұрғындары аталған аумақты түгелдей тазартып шықпақ.
