Танымал әнші Роза Әлқожа былтыр алған жарақатының әлі де қиындық тудырып жүргенін мойындады. Өнер иесі тобығын қайырып алып, содан бері аяқкиім таңдауда қиындық көріп жүргенін айтты, деп хабарлайды Todayinfo.
«Былтыр ақпанда аяғымды қайырып алдым. Тобығым жарылып, қызыл асығым тайып кеткен еді. Содан бері биік өкшемен жүре алмаймын, тіпті жай аяқкиім табудың өзі қиын. Бірақ арнайы аяқкиім тігетін жерді тауып, қуанып қайттым. Енді қолдан тігілген етік киетін болдым», – деді әнші.
Халықтың сүйікті әншісі биік өкшеден бас тартты
Әнші қазір аяқ жарақатына байланысты бұрынғыдай биік өкше кимейтінін айтты. Бұл жаңалық жанкүйерлерін алаңдатты, ал кейбіреулер «Роза ханым енді ұлттық стильдегі етіктермен сахнаға шыға ма?» деген сұрақтарын жаудырды.
Қазақы етік – жаңа тренд пе?
Жарақатына қарамастан, әнші бұл жағдайдың оң өзгерістер әкелгенін де мойындады. Ол ұлттық құндылықтарға басымдық беріп, қазақы нақышта тігілген аяқкиімге көшуге шешім қабылдаған.
«Ұлттық құндылығымызға ішіміздің жылып тұратыны жасырын емес», – деді ол.
