Баланы жерге алып ұрған: есірткі шеккен еркек өлтіріп қоя жаздаған сәби ауруханадан шықты

Мәскеудің әуежайында ауыр жарақат алған сәби ауруханадан шықты, деп хабарлайды Todayinfo. Бұған дейін Шереметьево әуежайында еңгезердей еркек күту залында ойнап жүрген кішкентай баланы көтеріп алып, жерге ұрып лақтырған еді. Сәби бірден есінен танып, өлім аузына түскен. Дәрігерлер оның өмірі үшін ұзақ уақыт кұресті. Абырой болғанда, дәрігерлердің көмегімен бала аман қалды. Қазір сәби ауруханадан шығып, анасымен бірге үйіне оралды. Дәрігерлер реабилитация кезеңі оң нәтиже бергенін айтады. Ал әуежайда сұмдық жауыз әрекетімен көптің жағасын ұстатқан қаскөй бірден ұсталып, тергеу изоляторына қамалды. Оның сол сәтте есірткі шегіп алғаны белгілі болды.