Орал тұрғыны интимдік фотоларды таратқаны үшін үш жылға сотталды

Қалалық сот ер адамды бопсалау және жеке өмірге қол сұғу бойынша үш жыл екі айға бас бостандығынан айыруға үкім шығарды, деп хабарлайды Todayinfo.kz басылымы «Мой город» сілтеме жасап. Соттың анықтауынша, сотталушының бұрынғы әйелі ажырасқанға дейін оған интимдік фотосуреттер жіберген. Алайда неке бұзылғаннан кейін ер адам бұл фотоларды таратуға қорқытып, әйелге қысым көрсеткен. Ол фотоларды жәбірленушінің әкесіне және мессенджердегі ортақ топқа жіберген. Сот ер адамды бопсалау және жеке өмірдің құпиялылығын бұзу қылмыстары бойынша кінәлі деп тапты.