«Екі күндік тамағына 37 мың доллар»: Дженнифер Лопестің концерттен қанша млн доллар пайда тапқаны белгілі болды

Америкалық поп-дыбысы Дженнифер Лопес Астанадағы шоуынан кейін Ереванға ұшып барды. Әнші 3 тамыз күні Армения астанасындағы Республикалық стадионда UP ALL NIGHT турының аясында өнер көрсетеді, деп хабарлайды Todayinfo. Армян ақпарат құралдарының хабарлауынша, концертке әлемнің түкпір-түкпірінен 15 мыңнан астам жанкүйер келген. Концерттің жалпы бюджеті – 6 млн доллар. Бұл қаражат 2023 жылы өтпей қалған Снуп Догтың шоуына бөлінген, кейін Лопестің концертіне бағытталған. Жалғыз Джей Лоның өзі бұл кештен 2,5 млн доллар пайда тапқан. Бірақ бұнымен тоқтамайды – ұйымдастырушылар қалған соманы да жіліктеп тастаған: $185 000 – әншінің командасын қонақ үйге орналастыру $37 000 – Джей Лоның екі күндік тамағы $15 000 – шоу продюсерінің гонорары $76 400 – техникалық директордың қызметі $26 800 – көлік, логистика және қабылдау тобының жалақысы $15 600 – сатып алу бойынша кеңестер $11 400 – заңгерлік қызметтер $11 400 – бухгалтерлік шығындар $22 100 – көлік жалдау және жабдықты тасымалдау Армениялықтар арасында бұл шығындар қоғамда қызу талқыланып жатыр. Әсіресе, екі күнге арналған ас мәзірінің құны – 37 мың доллар деген ақпарат жұрттың жағасын ұстатты. Фото: @JLO