Фото: Шеврон
Алматыда мектептерде мүмкін болатын терактілер туралы күмәнді ақпарат әлеуметтік желіде тарады. Атап айтқанда, алаңдатарлық жазбалар Instagram желісіндегі Kris_p_brothers аккаунтында жарияланған, деп хабарлайды Todayinfo.kz ақпарат агенттігі.
Желі қолданушылары бұл ақпаратқа алаңдап, құқық қорғау органдарының ресми түсініктеме беруін күтуде. Кейбір ата-аналар сақтық шарасы ретінде балаларын бүгін мектепке жібермегенін де жасырмады.
Жазбаның авторы өз таныстарының арасында балаларын оқуға жібермей қойғандар бар екенін, ал өзі баласын мектепке жібергенімен, қатты уайымдап отырғанын атап өтті. Оның айтуынша, мұндай белгісіз әрі түсініксіз жағдай ата-аналар үшін үлкен психологиялық қысым тудырып отыр.
Қазіргі уақытта аталған жазбаларға қатысты ресми органдар тарапынан түсініктеме берілген жоқ. Қала тұрғындары полициядан нақты ақпарат пен ресми мәлімдеме күтуде.
