Дональд Трамп мақтана әскерлерін құттықтады: АҚШ-тың жойғыш ұшақтары Иранның 3 қаласын бомбалады

АҚШ әскери-әуе күштері Ирандағы үш ірі ядролық нысанға соққы жасады. Бұл туралы АҚШ президенті Дональд Трамп Truth Social платформасында мәлімдеді, деп хабарлайды Todayinfo.

«Біз Ирандағы үш ядролық нысанға – Фордо, Натанз және Исфаханға жасалған шабуылды сәтті аяқтадық. Барлық ұшақтар қазір Иран әуе кеңістігінен тыс жерде», – деп жазды Трамп.

Фордо – Иранның ең қорғалған ядролық инфрақұрылым нысандарының бірі. Бұған дейін сарапшылар бұл нысанды тек 13 тонналық бункер бұзушы бомбалар ғана бұза алады деп мәлімдеген. Мұндай бомбаларды тек B-2 стратегиялық бомбалаушы ұшақтары тасымалдай алады. АҚШ бірнеше күн бұрын дәл осы ұшақтарды Иранға жақын аймақтарға орналастырған болатын. Fox News: АҚШ GBU-57 бомбаларын және Tomahawk зымырандарын қолданды Fox News арнасы АҚШ Ирандағы ядролық нысандарға жасаған шабуыл кезінде алты дана GBU-57 үлгісіндегі бункер бұзушы бомбаны пайдаланғанын хабарлады. Бұл бомбалар Фордо қаласындағы жерасты нысанасына B-2 бомбалаушы ұшақтарынан тасталған. Әрбір GBU-57 бомбасының салмағы 13 тоннадан асады, және оларды тек B-2 ұшақтары ғана алып жүре алады. Әр ұшақ екі дана бомба тасымалдауға қауқарлы. Сондай-ақ, Исфахан мен Натанз қалаларындағы ядролық нысандарға «Огайо» үлгісіндегі сүңгуір қайықтардан ұшырылған 30-ға жуық Tomahawk қанатты зымыраны қолданылған. Fox News тілшісі Дженнифер Гриффиннің әскери дереккөздерге сілтеме жасап хабарлауынша, Исфахан – шабуыл жасау тұрғысынан ең күрделі нысан болған. Фото: Reuters