Астана қаласының тұрғыны Instagram әлеуметтік желісінен «жұмыс» тауып, 2000 долларға тұрғын үйді өртемек болған. Алайда оның әрекеті сәтсіз аяқталып, сот үкімімен 3 жыл 6 айға бас бостандығынан айырылды.
Тергеу мәліметінше, жігіт арнайы өрт құрылғыларын дайындап, үйдің қабырғасына лақтырған. Сол кезде үй ішінде адамдар болған. Өрт олардың өмірі мен денсаулығына тікелей қауіп төндірген.
Сот оны бөтен мүлікті жоюға оқталу деп танып, бұрынғы соттылығын ескере отырып, 3 жыл 6 айға бас бостандығынан айырды. Бұл оқиға қоғамда үлкен резонанс тудырды.
