"ВИЧ жұқтырғанын біле тұра, жыныстық қызмет көрсеткен": Атырауда трансвеститтер ұсталды

Атырауда клиенттеріне АИТВ-инфекциясын әдейі жұқтырды деген күдікке ілінген екі адам ұсталды, деп хабарлайды Todayinfo ақпарат агенттігі. Полицияның мәліметінше, қамауға алынғандар – 23 және 28 жастағы азаматтар.

Тергеу болжамы бойынша, олар өздерінің диагнозы туралы білген және 2023 жылдың желтоқсанынан бері есепте тұрған. Алайда соған қарамастан, ақылы интимдік қызмет көрсетуді жалғастыра берген.

Қазіргі таңда күдіктілер уақытша ұстау изоляторына қамалды. Олардың үстінен қылмыстық іс қозғалды. Егер олардың кінәсі дәлелденсе, 5 жылдан 10 жылға дейінгі мерзімге бас бостандығынан айырылуы мүмкін. Тергеушілер жәбірленуші болуы ықтимал адамдардың толық тізімін анықтап, істің барлық мән-жайын тексеріп жатыр.