Қостанай облысында қызғаныштан туындаған қайғылы оқиға сот үкімімен аяқталды. Мендіқара аудандық соты азамат И.-ны денсаулыққа ауыр зиян келтіріп, абайсызда өлімге әкелгені үшін кінәлі деп таныды (ҚК 106-бабы 3-бөлігі).
Тергеу мәліметінше, 2026 жылғы 3 қаңтарда сағат 23:00 шамасында Узункөл ауданының Троебратское ауылында И. масаң күйде болған. Қызғаныш негізінде туындаған жанжал кезінде ол азаматтық әйелі П.-ға бірнеше рет қол жұмсап, өмірлік маңызды органдарға соққылар жасаған. Нәтижесінде әйел жабық бас-ми жарақаты мен іштің соқыр жарақатын алып, сол жерде қайтыс болған.
Прокурор соттан кінәліге 10 жыл бас бостандығынан айыру жазасын сұраған. Алайда сот бірқатар мән-жайларды ескерді: кінәні мойындау, өкіну және кәмелетке толмаған балаларының болуы — жеңілдететін жағдайлар ретінде қабылданды. Ал масаң күйде қылмыс жасау ауырлататын мән-жай болып танылды.
«Санкция 8 жылдан 12 жылға дейін бас бостандығынан айыруды көздейді. Сот И.-ға 8 жыл мерзім тағайындады, жазаны орташа қауіпсіздік мекемесінде өтейді», — деп мәлімдеді сот баспасөз қызметі.
Үкім әлі заңды күшіне енген жоқ, тараптар оған шағым жасай алады. Бұл іс тағы да тұрмыстық зорлық-зомбылық пен алкогольдің қоғамға тигізетін қауіпін еске салады.
