«Мен Ванга емеспін»: Еліміздің бас энергетигі жанармай бағасына қатысты нақты болжам жасамады

Энергетика министрі Ерлан Ақкенженов Мәжілісте өткен брифингте бензин бағасына қатысты пікір білдірді, деп хабарлайды Todayinfo.kz ақпарат агенттігі. Ведомство басшысы мұнай өнімдерінің бағасы ішкі сұраныс пен ұсыныс негізінде қалыптасатынын айтты.

«Мораторий экономиканы тұрақтандыру үшін өткен жылдың аяғында енгізілді. Ол осы жылдың 31 наурызына дейін жалғасады. 31 наурызда қандай жағдай қалыптасатынын айта алмаймын. Мораторий алынып тасталған жағдайда нарық бағаны өзі реттейді. Өйткені мен Ванга емеспін, болашақты болжай алмаймын. Бірақ Энергетика министрлігі бұл түзету қазақстандықтар үшін қатты әсер етпес үшін қолынан келгенді жасайды. Біз бағаның күрт көтерілуіне жол бермейміз», – деді Ерлан Ақкенженов.