Парижде Луврдан кейін тағы бір батыл тонау болды: €150 мың тұратын сапфир ұрланды

Париждің қақ ортасында зергерлік бұйымдарды тасымалдау кезінде қарулы тонау болып, қаскөй шамамен €150 мың тұратын қымбат сапфирді алып кеткен. Бұл туралы Todayinfo порталы хабарлайды. Оқиға 10-округте тіркелген. Қымбат заттарды тасымалдайтын компания қызметкерлері зергерлік бутикке жүк жеткізіп, түсіру үшін тоқтаған сәтте белгісіз ер адам шабуыл жасаған. Тергеу дерегінше, қаскөйдің қолында тапанша мен балға (кувалда) болған. Ол тасымалдаушылардың бағытын алдын ала біліп, фургон маңында күтіп тұрған болуы мүмкін.

Шабуыл қалай болған?

Күдікті курьерлердің бірін басынан ұрып, кейін ішінде асыл тастар мен алтын бар бес қапты алып кеткен. Оқиға орнынан ол скутермен ізін суытыпты. Қазір полицейлер қылмыскердің жүрген бағытын анықтауға және бейнебақылау жазбаларын тексеруге кіріскен.

Залал көлемі және тергеу

Прокуратураның алдын ала бағалауынша, келтірілген жалпы шығын шамамен €160 мың. Соның ең қомақты бөлігі — €150 мың тұратын сапфир. Қазір іс бойынша тергеу жүріп жатыр. Ұрланған құндылықтар әзірге табылған жоқ. Айта кетейік, мұндай жаңалықтар қазақстандық туристер мен Парижге сапар жоспарлағандар үшін де маңызды: ірі қалаларда құнды заттарды тасымалдау мен жеке қауіпсіздікке қатысты тәуекел әрдайым жоғары.