Фото: ҰҚК
Nege.kz Telegram-арнасының хабарлауынша, Абай облысындағы аудандық соттардың бірінің төрағасына қатысты тінту жұмыстары жүргізілуі мүмкін, деп хабарлайды Todayinfo.kz ақпарат агенттігі.
Тараған ақпаратқа сәйкес, Ұлттық қауіпсіздік комитетінің облыстық департаменті (ҰҚКД) Абай аудандық сотының төрағасы Б.-ға байланысты бірқатар мәселелерді тексеріп жатыр.
Алдын ала мәлімет бойынша, әңгіме бас бостандығынан айыру жазасына қатысы жоқ іс бойынша сот үкімін өзгерту үшін ірі көлемде ақша бопсалады деген күдікке қатысты болуы ықтимал.
Қазіргі таңда бұл ақпаратқа қатысты ресми органдар тарапынан нақты түсініктеме берілген жоқ. Тергеу барысы алдағы уақытта белгілі болады.
