TikTok әлеуметтік желісінде тікелей эфир қосып, ұлтараздық тудыратын мәлімдемелер жасаған Астана тұрғыны қамауға алынды, деп хабарлайды Todayinfo.
Полицияның дерегінше, видеоны интернет кеңістігін бақылау барысында Экстремизмге қарсы іс-қимыл басқармасының қызметкерлері анықтаған.
«Сараптама қорытындысына сәйкес, жарияланған видеода ұлтаралық араздықты қоздыру, қазақ ұлты өкілдерінің ұлттық ар-намысы мен қадір-қасиетін қорлау, сондай-ақ қоғам мен мемлекетті тұрақсыздандыруға бағытталған белгілер бар», – делінген полиция таратқан хабарламада.
Күдікті ұсталып, уақытша ұстау изоляторына қамалды. Қазіргі таңда тергеу амалдары жүргізілуде.
Полиция өкілдері Қазақстан заңнамасына сәйкес, ұлтаралық, этникалық және діни араздықты қоздырғаны үшін 2 жылдан 7 жылға дейін бас бостандығынан айыру жазасы қарастырылғанын еске салды.
Фото: freepik
