Ақтөбе облысында қала әкімі пара алды деген күдікпен ұсталды

Фото: Хромтау ауданының әкімдігі Хромтау қаласының әкімі Сағындық Шабықбаев пара алды деген күдікпен ұсталды, деп хабарлайды Todayinfo.kz ақпарат агенттігі.

Сот 2 айға санкция берді. Өзге ақпарат берілмейді,- деп хабарлады Ақтөбе облыстық сотының баспасөз қызметі.

Хромтау ауданы әкімдігінің ресми парақшасындағы ақпаратқа сүйенсек, 40 жастағы Сағындық Шабықбаев осыдан екі жыл бұрын қала әкімі қызметіне кірісті. Оған дейін әкімнің орынбасары болған. Еңбек жолын 2008 жылы Әйтеке би ауданындағы халыққа қызмет көрсету орталығынан бастады. 2016 жылы әкімшілікте қызмет етті. 2017 жылдан бастап Хромтау ауданы әкімінің аппаратында жұмыс істеп, 2018-2023 жылдары аралығында қала әкімінің орынбасары болды.