Жексенбі, 28 маусым күні екі әуе апаты болды. Францияда жеңіл моторлы ұшақ құлап, 11 адам қаза тапты. Ал Сауд Арабиясында тікұшақ апатынан 14 адам көз жұмды, деп хабарлайды DW-ге сілтеме жасаған Todayinfo.kz.
Францияның Томблен қаласында Нанси-Эссе аэродромынан ұшып шыққан жеңіл моторлы ұшақ апатқа ұшырады. Ол парашютпен таныстыру секірістерін орындауға арналған рейс болған. Ұшақ супермаркет маңындағы жолға құлаған.
Жергілікті БАҚ мәліметінше, борттағы 11 адамның бәрі қаза тапты. Олардың арасында ұшқыш, бес нұсқаушы және бес клиент болған. Әзірге апаттың себебі белгісіз. Оқиға орнында төтенше жағдайлар қызметі жұмыс істеп жатыр. Францияның ішкі істер министрі Лоран Нуньестің келуі күтіледі.
Сол күні Сауд Арабиясының шығысындағы Рас-Таннура қаласында ұлттық мұнай компаниясы Saudi Aramco-ға тиесілі тікұшақ құлады. SPA мемлекеттік ақпарат агенттігінің мәліметінше, апат салдарынан корольдіктің 14 азаматы қаза тапқан.
Сауд Арабиясы билігі апаттың себептерін тергеуді бастады. Материал жарияланған сәтте тікұшақтың құлауына шабуыл немесе өзге де сыртқы факторлар себеп болды деген ақпарат айтылған жоқ.
