«Нәрестем екеумізді қуып шықты»: Экс-депутат Төлеутай Рақымбековтің өгей қызы Тоқаевтан көмек сұрады

Фото: видео скриншот Экс-депутат Төлеутай Рақымбековтің өгей қызы әкесі үйін тартып алғанын айтып, көмек сұрады, деп хабарлайды Todayinfo.kz ақпарат агенттігі. Айбота қазір нәрестесімен бірге дағдарыс орталығында тұрып жатқан көрінеді. Ол Тоқаевқа жолдаған видеоүндеуінде екі жылдан бері құқық қорғау орындарына жүгініп әділдікке қол жеткізе алмай келгенін айтқан. Сондай-ақ ол өгей әкесінің өз лауазымын пайдаланып, соттан жалтаруға тырысып жатқанын айтады. Әйелдің сөзінше, Төлеутай Рақымбеков қысым көрсетіп, билікте байланыстары бар екенін айтып қорқытқан және қажетті сараптамалардың жүргізілуіне кедергі келтірген. Айбота бірнеше рет бұл мәселеге “Ауыл” партия басшылығының да назарын аудартуға тырысқан, бірақ нәтиже болмапты.