Қыр көрсету, кек алу: Талғарда қылмыскерлердің қолынан көз жұмған Шерзат Болаттың үйі өртеніп кетті (видео)

Талғарда жауыздықпен қайтыс болған 16 жастағы Шерзат Болаттың үйі сенбіге қараған түні өртке оранды. Марқұмның отбасын өртеп жібергені туралы ақпарат әлеуметтік желілерде тарады, деп хабарлайды Todayinfo.   Оқиғадан зардап шеккендер мен құрбандар жоқ. Куәгерлер өрт сөндіру қызметінің жедел әрекетіне қарамастан, үйдің толығымен жанып кеткенін жазуда. Аталған оқиғаға қатысты Алматы облыстық полиция департаменті түсініктеме берді.

«Бөтеннің мүлкін қасақана жою фактісі бойынша полиция қылмыстық іс қозғады. Тергеу аясында куәгерлерден жауап алынуда, сондай-ақ бейнебақылау камераларының жазбалары зерттелуде. Қазіргі уақытта оқиғаның барлық мән-жайлары мен оған әкелуі мүмкін себептері анықталуда», - делінген хабарламада.

Бүгін түнде бәз біреулер Шерзаттың тұрған үйіне өрт қойған..Сұмдық қой... | TikTok