Бұл туралы журналист Руслан Өтепбай әлеуметтік желідегі парақшасында жазды, деп хабарлайды Todayinfo.kz ақпарат агенттігі.
Бүгін соттағы жарыссөз аяқталды. Мемлекеттік айыптаушы заңгер Әділетхан Молдаханның бас бостандығын 3 жылға айыруды сұраған.
Журналистің жазуынша, неге екені белгісіз, Әділетхан Молдаханға қатысты іске қылмысты ауырлататын мән-жайлар бойынша тағы бір бап қосылған.
Алмалы аудандық сотында «көрінеу жалған ақпарат таратты» деген айыппен қамауға алынған блогер әрі заңгер өзіне тағылған айыппен толықтай келісетінін мәлімдеген еді.
