Кездесу өткізеді: кәсіпқой бокста аты аңызға айналған Рой Джонс Астанаға келді

Фото: ашық дереккөз Астанаға әлемге әйгілі америкалық боксшы, бірнеше салмақтағы әлем чемпионы Рой Джонс келді, деп хабарлайды  24KZ телеарнасына сілтеме жасаған Todayinfo.  Ол 20 желтоқсанда елордада өтетін Fight Nights промоушенінің кәсіпқой бокс кешіне құрметті қонақ ретінде қатыспақ. Рой Джонс – бокстағы ең танымал есімдердің бірі. Оның есебінде 66 жеңіс (47-сі нокаутпен) және 9 жеңіліс бар. Боксшы орта салмақтан ауыр салмаққа дейін әртүрлі категорияларда әлем чемпионы атағын иеленген, бұл оның спорттық шеберлігі мен әмбебаптығын дәлелдейді. 1990-2000 жылдары ол рингтегі шеберлігімен және жылдамдығымен көрермендерді тәнті етіп, бірнеше мәрте «Жыл боксшысы» атанған. Fight Nights промоушені аясындағы бокс кешінде Рой Джонс қазақстандық және шетелдік спортшылардың жекпе-жектерін тамашалап, жанкүйерлермен кездесу өткізеді деп жоспарлануда.