29 орам: Заречныйдағы қатаң түрмеге кәсіпкер тиым салынған заттар алып кіргенде ұсталды

Кәсіпкер колонияға тыйым салынған заттарды кіргізбек болды. Алматы және Жетісу облыстары бойынша ҚАЖД №12 қауіпсіздігі жоғары мекемесіне жеке кәсіпкер тыйым салынған заттарды алып өтпек болғанда ұсталды, деп хабарлайды Todayinfo. Мекеме ішінде жұмыс істейтін "Алматы алаңы" ЖК жүргізушісі Daimler Chrysler автокөлігімен колонияға тыйым салынған заттарды тығып өтпек болған. Мекеме қызметкерлері өндірістік материалдармен тиелген автокөлікті тексеру кезінде сырлауға арналған ауа компрессорында ерекше иісті жасыл түсті заты бар 29 скотчпен оралған бумалар, шығу тегі белгісіз сұйықтығы бар сыйымдылығы 1 литр пластикалық бөтелке, Huawei, Redmi және Vivo смартфондары, екі зарядтағыш және екі сим-карта табылып, тәркіленді beeline, altel).

"Осы факт бойынша ҚР ӘҚБтК 481 - бабына сәйкес заңнамада белгіленген тәртіппен бастапқы материалдар жиналды және одан әрі шешім қабылдау үшін сотқа жіберілетін болады", - деп атап өтті ҚАЖД бастығының міндетін атқарушы Бақытжан Шәріпбеков.

Жеке кәсіпкер түрме ішінен бір жыл бұрын цех ашқан. Ол жерде 25 сотталған адам жұмыс орналасты. Цех негізінен балалар ойнайтын көше алаңдары, шағын сәулет нысандарына қажетті заттардан бөлек металдан жасалған бұйымдар шығарып келген.