30 градус суық: қатты аяз бен боран соғатын жерлер жарияланды

Фото: Pixabay «Қазгидромет» РМК 12 желтоқсанға арналған ауа райы болжамын жариялады, деп хабарлайды Todayinfo.kz Батыс өңірлер (БҚО, Атырау, Маңғыстау, Ақтөбе) Батыста кей жерлерде қар, жаңбыр, тұман және көктайғақ күтіледі. Жел оңтүстік-батыс, батыс бағыттан 9-14 м/с, кей жерде

Фото: Pixabay «Қазгидромет» РМК 12 желтоқсанға арналған ауа райы болжамын жариялады, деп хабарлайды Todayinfo.kz

Батыс өңірлер (БҚО, Атырау, Маңғыстау, Ақтөбе)

Батыста кей жерлерде қар, жаңбыр, тұман және көктайғақ күтіледі. Жел оңтүстік-батыс, батыс бағыттан 9-14 м/с, кей жерде 15-20 м/с. Ауа температурасы түнде 3-17° аяз аралығында, күндіз 3° аяздан 3° жылыға дейін өзгереді. Орал мен Ақтауда таңертең қар жауып, көктайғақ байқалады, Атырауда күн бұлтты, жауын-шашынсыз.

Солтүстік және орталық өңірлер (Астана, Ақмола, Қостанай, СҚО, Павлодар, Қарағанды, Ұлытау)

Бұл өңірлерде аяз күшейеді. Кей облыстарда (Қостанай, СҚО, Павлодар) тұман, көктайғақ пен бұрқасын байқалады. Жел 9-14 м/с, екпіні 15-20 м/с. Ауа температурасы түнде 13-30° аяз болады. Күндіз -6-18°. Астанада күндіз аздап қар жауады, Петропавл мен Қостанайда жауын-шашынсыз, бірақ қатты аяз сақталады.

Шығыс өңірлер (ШҚО, Абай облысы)

Шығыста аяз өте күшті болады: түнде 22-30° аяз, кей жерлерде -33° дейін. Күндіз 5-18° аяз. Кей аймақтарда түнде және күндіз бұрқасын күтіледі, жел 15-23 м/с дейін күшейеді. Өскемен мен Семейде жауын-шашынсыз болады.

Оңтүстік өңірлер (Алматы, Жетісу, Түркістан, Қызылорда, Жамбыл)

Оңтүстікте жауын-шашын көбіне оңтүстік және таулы аудандарда байқалады: қар, жаңбыр, көктайғақ пен тұман күтіледі. Жел 9-20 м/с, таулы аймақтарда күшейеді. Ауа температурасы түнде 1-12° аяз, күндіз 3-12° жылы, таулы аудандарда 0-10° аяз. Алматы мен Талдықорғанда жауын-шашынсыз, ал Шымкент пен Түркістанда күндіз жаңбыр мен қар аралас жауады.