14 қаңтардан бастап валюта айырбастағанда ақшаның қайдан келгенін тексереді

Қырғызстанда валюта айырбастау орындары клиенттің ақшасының шығу тегін сұрап, қажет болса құжаттарын тексере алады, деп хабарлайды Todayinfo ақпарат агенттігі. Ереже Қырғызстан азаматтарына да, шетелдіктерге де қатысты. Қазақстаннан барған адамдар да осы талапқа түседі. Ұлттық банк бекіткен тәртіп бойынша, ірі көлемдегі немесе әдеттен тыс операция жасалса, айырбастау орны клиенттен жеке басын растайтын құжаттарды көрсетуін және қаражаттың қайдан келгенін түсіндіруін сұрауға құқылы. Айырбастау орындарына қойылған негізгі міндеттер: — клиентті сәйкестендіру, құжатын тексеру (шетелдіктерді қоса алғанда); — қажет болған жағдайда қаражат көзін нақтылау; — үлкен сомаға жасалатын және күмән тудыратын ерекше операцияларға ерекше бақылау; — күдік туғызған мәмілені тоқтатып, бұл туралы Ұлттық банкке хабарлау; — айырбастау операциялары жөніндегі мәліметтерді кемінде бес жыл сақтау. Жаңа талаптар 14 қаңтардан бастап күшіне енеді.