«30 мың адамды өлтірген»: Филиппиннің қашқын президенті Гаага сотына жеткізілді

Екі күн бұрын қолға түскен Филиппиннің бұрынғы президенті Родриго Дутерте Халықаралық қылмыстық сотта адамзатқа қарсы қылмыс жасағаны үшін Гаагаға жеткізілді, деп хабарлайды Todayinfo порталы. Қашқын президент сот шығарған ордер бойынша Манила әуежайында қамауға алынған еді. Дутертенің жақтастары да, қарсыластары да Гаагадағы Халықаралық қылмыстық соттың алдына жиналды. «Біз оның әкімшілігі есірткі пайдаланды деген күдік бар кез келген адамға қатысты террорлықты көтергенін ұмытпаймыз. Ешқандай сот процесі болған жоқ. 30 мың адам сотсыз өлтірілді, оның ішінде 100-ден астам кәмелетке толмаған бала бар», - дейді бұрынғы президенттің әрекеттеріне қарсы шыққан Алодике Сантос. Euronews мәліметінше, 2011 жылдың қарашасы мен 2019 жылдың наурызы аралығында Филиппин үкіметі жүргізген науқан аясында есірткіні пайдаланғаны немесе сатқаны үшін 12 000-нан 30 000-ға дейін адам өлтірілген, кейбір жағдайлар полиция операциялары кезінде соттан тыс орындалды деп есептелді. Фото: BBC