Ираннан Қазақстанға оралу үшін алты қазақстандық Әзербайжанның «Астара» шекара бекетінен өтті, деп хабарлайды Todayinfo Report ақпараттық агенттігіне сілтеме жасап.
Ираннан эвакуацияланған азаматтар үшін барлық қажетті жағдайлар жасалған, соның ішінде медициналық қызметтер көрсетіліп, шекара бекетінде таңғы ас ішуге мүмкіндік берілген.
Шекарада эвакуацияланғандарды Қазақстан елшілігінің қызметкерлері қарсы алып, Бакуге жеткізді.
Эвакуация процесі жалғасуда.
Әзербайжан тарапы “Астара” шекара өткелі арқылы Ираннан шет мемлекеттердің азаматтарын эвакуациялау үшін қажетті жағдайларды жасады.
Бірқатар шет мемлекеттер өз азаматтарын Ираннан Әзербайжан аумағы арқылы эвакуациялау үшін көмек көрсету туралы өтінішпен Әзербайжан тарапына жүгінген.
Әзербайжан гуманизм қағидаттарын басшылыққа ала отырып, аталған азаматтар тобының «Астара» шекаралық бақылау-өткізу бекеті арқылы өтуі үшін қажетті жағдайларды қамтамасыз етті.
