Алматы облысында клуб футболшылары бірнеше айдан бері жалақы алмаған

Өтеген Батыр кентінен (Алматы облысы) келген Іле-Алатау ФК ойыншылары, жаттықтырушылары мен қызметкерлері төрт ай бойы жалақы ала алмай жүр, деп жазады Meta-ratings.kz. Жергілікті билік қаржыландыруға уәде берген, бірақ қазір футбол клубы тіпті жаңа жабдықтар мен ойын формаларын ала алмай әлек. Екінші лига матчтарына команда былтырғы формамен шығады.

– Биылғы маусымда өнер көрсетуге келетін болсақ, Іле-Алатау командасы Қазақстан футбол федерациясының атына кепілдік хатының арқасында өзін көрсете алды. Алайда жақын арада клуб әкімдік тарапынан тиісті қаржыландыруды алатынына кепілдік жоқ. Команданың негізін жас футболшылар құрайды, ал жалақының өзі төмен деңгейде, - делінген басылымда.

Алматы облысының әкімдігі бұл жағдайға байланысты әлі түсініктеме берген жоқ.