Алматыда ер адамның жедел жәрдем қызметкерлеріне пышақпен шабуыл жасаған видеосы тарады, деп хабарлайды Todayinfo.kz ақпарат агенттігі. Дәрігерлер шақыртуға барған кезде мас ер адам оларды пышақпен қарсы алып, қоқан-лоқы көрсеткен. Медицина қызметкерлері көлік ішіне кіріп, полици
Алматыда ер адамның жедел жәрдем қызметкерлеріне пышақпен шабуыл жасаған видеосы тарады, деп хабарлайды Todayinfo.kz ақпарат агенттігі.
Дәрігерлер шақыртуға барған кезде мас ер адам оларды пышақпен қарсы алып, қоқан-лоқы көрсеткен. Медицина қызметкерлері көлік ішіне кіріп, полиция шақырған.
Полиция мәліметінше, шабуыл жасаған адам науқастың ұлы болып шықты.
"Оқиға орнында мас күйінде болған ұлы агрессивті мінез көрсетіп, қорқытып, басқаларға қауіп тудырды. Медицина қызметкерлерінің қауіпсіздігін қамтамасыз ету үшін оқиға орнына полиция шақырылды", – деп атап өтті полиция.
Кейбір желі парақшалары бұл оқиға "Ұсақ бұзақылық" деп жіктелгенін хабарлады. Алайда полицияның өзі мұны жоққа шығарды.
Қылмыстық кодекстің 380-3-бабы “Медицина қызметкеріне немесе жедел жәрдем жүргізушісіне қатысты қорқыту немесе зорлық-зомбылық көрсету” бойынша іс қозғалды. Бұл істе екі жәбірленуші – дәрігер және фельдшер болғандықтан, күдіктінің кінәсі дәлелденсе, ол екі жылдан үш жылға дейін бас бостандығынан айырылуы мүмкін.
“Біз қызметтік міндеттерін атқарып жатқан төтенше жағдайлар қызметінің қызметкерлеріне қарсы кез келген агрессия мен қауіп-қатерлердің қабылданбайтынын және заңда көзделген жауапкершілікке әкеп соғатынын атап өтеміз”, – делінген хабарламада.
Ер адам ұсталып, уақытша ұстау изоляторына қамалды. Қазір тергеу жүргізіліп жатыр.
