Алматының Түрксіб ауданында 247 шақырымнан астам желі салынды

Фото: gov.kz Өңірлік коммуникациялар қызметінде Бақытжан Ақжаров биыл Түрксіб ауданында 247 шақырымнан асатын инженерлік желі салынғанын хабарлады, деп жазады Todayinfo.kz ақпарат агенттігі. Биыл біткен үлкен құрылыстар: • 180,9 шақырым су құбыры, • 66,6 шақырым кәріз желісі. Бұл жұмыс Шуақты, Әлмерек, Төменгі Бесжылдық, Қайрат шағынауданы мен біраз көшені қамтыды. Жыл соңына дейін Маяк шағынауданында инженерлік желілердің құрылысы толық аяқталады, оның ішінде: • 11,5 шақырым су құбыры, • 22,5 шақырым кәріз желісі, • Төменгі Бесжылдықта 1 КНС құрылысы бар. 2026 жылы Ақан Сері – Сейфуллин – Шолохов көшесіндегі жұмыс бітіп: • 18,8 шақырым су құбыры, • 27,9 шақырым кәріз желісі салынады. Келер жылы Рысқұлов – Жансүгіров – Шолохов – Сейфуллин көшесінің аумағында орталық коммуникацияның құрылысы басталады. Сонымен қатар Нұршашқан және Қайрат шағынауданындағы қамтылмаған аумақтарға инженерлік желілер салуды көздейтін жобалар әзірленіп жатыр.