Алқа билердің түрін көрсеткен КТК жауапкершілікке тартылды

Бишімбаевтың сотына журналистер кіре алатын болды, деп хабарлайды Todayinfo агенттігі. Бүгінгі істе судья Айжан Құлбаева журналистерді қайтадан сот залына кіргізу немесе кіргізбеу мәселесін көтерген. Судьяның айтуынша, алқа билердің түрі көрсетілген видеоны КТК арнасы таратқан.

“Олар әкімшілік жауапкершілікке тартылды. Ескерту жасалды” деді ол.

Осыған байланысты судья журналистерді сот залына кіргізу мәселесі бойынша тараптардың пікірін білген. Айыптау тарапы, жәбірленуші тарап та бұған қарсы болмады, бірақ Бишімбаевтың адвокаты журналистердің сот залына қарсы шықты. Екінші сотталушы Байжанов та журналистерді кіргізуге қарсылық білдірмеген еді. Ақыры судья сот залына журналистерді кіргізу жөнінде шешім қабылдады. Астана қаласының қылмыстық істер жөніндегі ауданаралық сотында экс-министр Қуандық Бишімбаевтың ісі бойынша алдын ала тыңдау 11 наурызда басталды.  Прокурор экс-министр ісінің мән-жайын айтып берді. Ал Бишімбаев тағылған айыпты мойындамай, ашық сот өткізуді сұрайды. Оған "қинау" (110-баптың 2-бөлігі) және "аса қатігездікпен адам өлтіру" (99-баптың 2-бөлігі) баптарымен айып тағылған. Бұған қоса, Астанадағы "Гастро-орталық" директоры, Бишімбаевтың туысы Бақытжан Байжанов Салтанат Нүкенованың өліміне байланысты іс бойынша "қылмысты жасырды" деген күдікпен сотқа тартылып жатыр.