Ақтөбеде студент қыз ер адамды бопсалаған

Ақтөбе қалалық полиция департаменті жергілікті студентті қылмыс үстінде ұстады, деп хабарлайды Todayinfo агенттігі.  ПД ұйымдасқан қылмысқа қарсы күрес басқармасының қызметкерлері жедел-іздестіру іс-шараларын жүргізу барысында Ақтөбе қаласы жергілікті университетінің студентіне қатысты ірі көлемде ақша бопсалау дерегін анықтады. Студент қала тұрғынын ар-намысы мен қадір-қасиетіне нұқсан келтіретін материалдарды жариялайтынын айтып қорқытқан. Жедел уәкілдер күдіктіні 25 наурызда жедел-тергеу іс-шараларын жүргізу барысында, қолма-қол ақша алғаннан кейін ұстады. Ұсталған қыз кінәсін мойындады. Ол қылмысы үшін 3 жылға дейін бас бостандығынан айырылады.