Қазақ әдебиеті ауыр қазаға ұшырады. Белгілі ақын, Қазақстанның Мемлекеттік сыйлығының лауреаты Күләш Ахметова 79 жасына қараған шағында дүниеден өтті.
Күләш Ахметова қазақ поэзиясына өлшеусіз үлес қосқан көрнекті тұлғалардың бірі. Ол өзінің шынайы да сыршыл жырларымен оқырман қауымның жүрегінен ерекше орын алған еді.
Оның қазақ әдебиетіндегі еңбегі жоғары бағаланып, Мемлекеттік сыйлықтың лауреаты атанды. Сонымен қатар, ақын «Парасат» және «Құрмет» ордендерінің иегері болды.
Күләш Ахметованың өмірден озуы – тек отбасы мен жақындары үшін ғана емес, бүкіл қазақ жұртшылығы мен әдебиет сүйер қауым үшін орны толмас ауыр қайғы. Ақынның жарқын бейнесі мен артында қалған мол мұрасы халық жадында мәңгі сақталады.
