Арыстан апанына құлап кеткен күзетшіні талап өлтірді

Фото: instagram.com/almatyzoo Мысырдың Эль-Файюм қаласында орналасқан зообақта қайғылы оқиға болды. Арыстан қызметкерге шабуыл жасап, оның өмірін қиған, деп хабарлайды  Тodayinfo ақпараттық порталы. Қайтыс болған азамат 47 жастағы зообақ қызметкері, оның негізгі міндеті аумақты күзету болған. Оқиға күні ол абайсызда тепе-теңдігін жоғалтып, арыстанның вольеріне құлап кеткен. Жыртқыш ер адамға шабуыл жасап, бірнеше рет басынан тістеген. Оқиға орнына жедел жеткен полиция қызметкерлері арыстанға оқ атып, оны залалсыздандырды. Қайғылы жағдайдан кейін Эль-Файюм билігі қауіпсіздік шараларын күшейту мақсатында зообақты уақытша жабу туралы шешім қабылдады.