Астанада Есен Елеукен мен блогер төбелесіп қалды

Тележүргізуші Есен Елеукен белгілі блогерді балағаттап, бір тепті. Ол туралы видео Instagram-дағы aktobe_live парақшасына жарияланды. Бұл жайт Астана қаласында болған. Алайда Есен Елеукен мен блогердің жанжалы неден басталғаны белгісіз.

  Астанада өтіп жатқан «МедиаЛига» матчынан кейін SD Family және «Жайдарман» командалары арасында жанжал болды. Жастар арасында «Упучук» атымен танымал Әділет пен «Жайдарманның» негізін қалаушы Есен Елеукен сөзге келіп қалған. Екеуінің төбелесі көрермен мен турнир қатысушылары арасында айтарлықтай резонанс тудырды. Жанжалға не себеп болғаны әзірге белгісіз немесе финалға қызығушылық тудыру үшін әдейі ұйымдастырылған хайп болуы да мүмкін, – деп жазды aktobe_live.  

Бұл видео TikTok желесіне де шыққан еді. Ол жерде Есен Елеукеннің балағат сөз айтып жатқанын анық көруге болатын. Алайда кейін Нұрболат есімді желі қолданушысы видеоны өшіріп тастады.