Астанада KazTAG агенттігінің бас редакторы Амир Касенов қамауға алынды

Астанада KazTAG ақпарат агенттігінің бас редакторы Амир Касенов ұсталды. Бұл туралы Todayinfo.kz Алматы қалалық полиция департаментіне (ДП) сілтеме жасап хабарлады. Полицияның мәліметінше, редакция қызметкерлеріне қатысты сотқа дейінгі тергеп-тексеру жеке компания өкілінің жазбаша арызынан кейін басталған. Арыз иесі агенттік тарапынан бірнеше рет, өзінің пікірінше, әдейі жалған ақпарат тарағанын және бұл жағдай компанияның іскерлік беделі мен мүддесіне елеулі зиян келтіргенін көрсеткен.

Полиция: тергеу заң аясында жүргізілді

Ведомство тергеу әрекеттері кезең-кезеңімен және қылмыстық-процестік заңнаманың талаптарына сай жүргізілгенін атап өтті. Полицияның түсіндіруінше, жиналған материалдардың жиынтығы, тергеудің сатысы және заңда қарастырылған негіздер ескеріліп, 23 желтоқсанда KazTAG бас редакторы ұсталып, Астана қалалық ПД уақытша ұстау изоляторына (ИВС) қамалған.

Іс бойынша толық ақпарат жарияланбайды

Құқық қорғау органдары тергеу амалдары заң шеңберінде жалғасып жатқанын мәлімдеді. Сонымен қатар істің өзге мән-жайлары жария етілмейтінін айтты. Қазір тергеу барысы бойынша ресми органдардан қосымша ақпарат күтіледі.