Атырау облысындағы оқу-жаттығу полигонында әскери қызметкер қаза тапты. Қорғаныс министрлігінің хабарлауынша, сарбаз оқ жарақатын алған, деп хабарлайды Todayinfo ақпарат агенттігі.
Қайғылы оқиға 12 наурыз күні Атырау гарнизонына қарасты әскери бөлімшелердің бірінде, далалық жаттығулар кезінде болған. Алдын ала мәлімет бойынша, апатқа қарумен жұмыс істеу кезінде қауіпсіздік ережелерін өрескел бұзу себеп болған.
Жарақат алған сарбаз дереу медициналық мекемеге жеткізілген. Алайда дәрігерлер оның өмірін сақтап қала алмады.
Осы оқиғаға байланысты Ішкі істер министрлігінің Әскери-тергеу басқармасы қылмыстық іс қозғады. Бұл туралы Атырау гарнизонының баспасөз қызметі мәлімдеді.
"Қазіргі уақытта оқиғаның себептері мен толық мән-жайын анықтау үшін сотқа дейінгі тергеу амалдары жүргізіліп жатыр", - делінген ресми хабарламада.
Фото: Әлеуметтік желіден
