Автобус бағанаға соққан: апатқа түскен 8 жасар қыздың екі аяғы кесілді

Астана қаласының Қоғамдық денсаулық сақтау басқармасы қалада жантүршігерлік жол апатына түскен адамдардың жағдайы туралы ақпарат берді, деп хабарлайды Todayinfo. Ведомствоның хабарлауынша, автобус апатынан кейін 15 адам ауруханаға жеткізілді. Оның үшеуінің жағдайы ауыр, біреуінің аяғына ампутация жасалды. Қалғандары үйлеріне қайтарылды.

«Ауруханаға түскен науқастардың жағдайы ауыр. Бір пациенттің аяқтары ампутацияланды. Барлық зардап шеккендерге толық көлемде медициналық көмек көрсетіліп жатыр», – делінген басқарма таратқан ресми хабарламада.

Жол апаты 2 маусымда Астанадағы Республика даңғылы бойында болды. Алдын ала тергеу деректеріне сәйкес, жолаушылары бар автобус жүргізушісі маневр жасау кезінде көлікті басқара алмай қалып, ақпараттық таблоның тіреуіне соққан. Оқиға салдарынан автобус салонындағы жолаушылар түрлі жарақаттар алған. Қазіргі уақытта аталған жол-көлік оқиғасына байланысты қылмыстық іс қозғалып, тергеу амалдары жүргізілуде.