Елена Рыбакина олимпиялық чемпион Белинда Бенчичті екі сетте сенімді ұтты

Қазақстанның бірінші ракеткасы Елена Рыбакина Қытайдың Шэньчжэнь қаласында өтіп жатқан World Tennis Continental Cup көрме турнирінде швейцариялық Белинда Бенчичті жеңді. Бұл туралы Todayinfo порталы хабарлайды. WTA рейтингінде 5-орында тұрған Рыбакина 11-орындағы қарсыласын екі сетте тізе бүктірді — 6:3, 6:4. Кездесу барысында қазақстандық теннисші ойын тізгінін ерте қолға алып, өз подачиcын сенімді ұстап отырды. Нәтижесінде матч екі партияда аяқталды.

Рыбакина үшін жылдағы соңғы жекелей матч

Айта кетейік, бұл — Елена Рыбакинаның биылғы маусымдағы жекелей сындағы соңғы ойыны. Турнирдің форматы көрме бәсекесі болғанымен, жанкүйерлер үшін жылдың соңын жоғары деңгейдегі матчпен түйіндеудің жақсы мүмкіндігі болды. Қазақстан спортсүйер қауымы үшін де бұл жеңіс маңызды: Рыбакина маусымды сенімді нотада аяқтап, келесі жылға жақсы көңіл күймен кіріп отыр.

Алда аралас жұптағы ойын бар

Шэньчжэньдегі бағдарлама мұнымен бітпейді. Бүгін Рыбакина аралас жұпта да кортқа шығады: ол ресейлік Андрей Рублевпен бірге Валантен Вашро (Монако) мен Ига Швентек (Польша) жұбына қарсы ойнайды. Ал Белинда Бенчичтің атағы да ерекше: ол Токио-2020 Олимпиадасының жекелей сындағы чемпионы.